II पश्चाताप II
खेड्यातून आला , शहरात रमला
अंगवळणी पडला, शहराचा थाट रे
इथेच राहिला , रडत खडत जगला
माणसाने भोगला, शहराचा ताप रे
धुराने घुसमटला, धुळीने गुदमरला
काजळीने काळा झाला, छातीचा भाता रे
खोकल्याने हबकला, धापेने थकला
खाली वर झाला , माणसाचा जीव रे
उपभोग वादाला, चंगळ वादाला
प्लास्टीक पिशवीला, सरावला तूच रे
वायु प्रदूषणाला, ध्वनी प्रदूषणाला
जल प्रदूषणाला , कारण तूच रे
संयम सोडला , परिणाम भोगला
तूच रे दाबला , गळा तुझाच रे
प्राण कंठी आला, पश्चाताप झाला
प्राण तुझा गेला, हाय रे हाय रे
लेखक / कवी - सुरेश पित्रे.
पत्ता- " वैद्य सदन ", पहिला मजला, राघोबा शंकर रोड,
चेंदणी, ठाणे (पश्चिम) , पिन कोड क्र. - ४००६०१
भ्रमणध्वनी - ९००४२३०४०९
Email ID - kharichavata@gmail.com
No comments:
Post a Comment