|| माणूस शिक्षा भोगतो आहे ||

|| माणूस शिक्षा भोगतो आहे ||  

डम्पिंगवर कचरा साठला 

कचरा इथे जळतो आहे
श्वास इथे पुरा घुसमटला
धूर सर्वत्र पसरतो आहे ||

कचरा जळला, लागली आग
धूर विषारी हुंगतो आहे
आगीची पृथ्वीस,लागली धग
माणूस शिक्षा भोगतो आहे || 

आला जो आड वृक्ष कापला
मस्त शहर विस्तारत आहे
गावातला माड तोही कापला
बिनधास्त शहर वसत आहे || 

भेटवस्तू देऊनी एक तुळस
वाढ दिवसाला द्यावी शुभेच्छा
निसर्ग जपण्यास नको आळस
शुद्ध हवा मिळो हिच इच्छा ||

लेखक / कवी  - सुरेश पित्रे.

" वैद्य सदन ", पहिला मजला, राघोबा शंकर रोड, 

चेंदणी, ठाणे (पश्चिम) , पिन कोड क्र. - ४००६०१

भ्रमणध्वनी - ९००४२३०४०९           

Email ID - kharichavata@gmail.com