परम आत्म्याचा बोध घ्यावा

परम आत्म्याचा बोध घ्यावा 

जीवन एक अनमोल ठेवा 

फुलाचा मंद सुगंध हुंगावा 

पक्षांचा किलबिलाट ऐकावा  

प्रसन्न छान सूर्योदय पहावा

निसर्गगंध छातीत भरावा 

छान फुलांचा गुच्छ पहावा 

पानावर दवाचा थेंब पहावा 

थेंब गार हातावर घ्यावा 

भिरभिरणारा चतुर पहावा 

सळसळनारा साप पहावा 

गाईचा हंबरडा ऐकावा 

निसर्ग पुन्हा पुन्हा बघावा 

पांढराशुभ्र नितळ हंस पहावा 

झऱ्यांचा खळखळाट ऐकावा 

शांत पाण्यात तरंग पहावा 

रौद्र कोसळता धबधबा पहावा 

जणू गालीचा गार गर्द हिरवा

राकट कणखर दगड पहावा 

दगडात एक आकार शोधावा 

भारदस्त छातीचा पहाड पहावा  

अथांग निळाशार समुद्र पहावा 

अस्ताचा लालबुंद सूर्य पहावा 

शांत शीतल निर्मळ चंद्र पहावा 

प्रदीर्घ मोठ्ठा श्वास घ्यावा 

जीवनानुभव प्रत्यक्ष घ्यावा 

हृदयाचा ठोका ऐकावा  

एक मोठ्ठा सुस्कारा द्यावा 

परम आत्म्याचा बोध घ्यावा 

लेखक / कवी  - सुरेश पित्रे.

पत्ता- " वैद्य सदन ", पहिला मजला, राघोबा शंकर रोड, 

चेंदणी, ठाणे (पश्चिम) , पिन कोड क्र. - ४००६०१

भ्रमणध्वनी - ९००४२३०४०९           

Email ID - kharichavata@gmail.com

गोरक्षण आणि संवर्धन - protect save indian cow

नमस्कार ,

गोरक्षण आणि संवर्धन हे आज संपूर्ण जगासाठी अत्त्यंत आवश्यक आहे , ह्याचा प्रचार प्रसार लवकर आणि सर्वत्र 

होणे आज गरजेचे आहे , प्रसार माध्यमांनी ह्याकडे गांभीर्याने पहिले पाहिजे , ह्या ध्वनी चित्रफिती मध्ये 

अनेक शास्त्रज्ञ आणि डॉक्टरानी ह्यावर संशोधन केले आहे त्याची माहिती दिली आहे , हे पाहून ऐकून 

आता आपल्यालाही पटेल कि शेती प्रधान संस्कृतीच जगाला खरे सुख आणि समाधान देऊ शकते 

कारण विचार केला तर लक्षात येईल कि माणसाला गाडी , बंगला हि साधने कधी सुख देतील 

जेव्हा माणसाचे शरीर स्वस्थ असेल आणि ते स्वस्थ राहण्यासाठी शुद्ध अन्न,पाणी हवा फक्त आणि फक्त हेच 

उपयोगी आहे , आणि ह्या तिन्ही गोष्टी आज प्रदूषित झाल्या आहेत , मग कसे आरोग्य शांती सुख लाभेल?

म्हणजे आग सोमेश्वरी आणि बंब सोमेश्वरी अशी आज समाजाची अवस्था आहे , 

समाजात रोग , अशांती आणि दुःख दूर करण्याची समाजाची इच्छा आहे आणि त्याला उपाय एकमेव आहे 

तो म्हणजे शेती प्रधान भारतीय संस्कृती आणि गोरक्षण गोसंवर्धन. ह्याला फक्त धार्मिक अंक किंवा रंग कोणी 

देऊ नये आणि ह्याचे महत्व सर्व जगाला पटवून देणे गरजेचे आहे , तेव्हाच संपूर्ण गोहत्त्या यशस्वी होऊ शकते 

आणि संशोधनांती असे इथे म्हटले आहे कि भारतीय गोवंशच ह्यासाठी उपयोगी आहे, भारतात एकूण १०८ जाती 

होत्या , ब्राझील देशात त्या नेल्या गेल्या आणि सांभाळल्या गेल्या असेहि दुसऱ्या मराठी चित्रफितीत माहिती दिली आहे 

ह्या विषयाला लवकरात लवकर प्रसिद्धी प्रत्येक प्रसर माध्यमाने देणे अति आवश्यक आहे,

https://www.youtube.com/watch?v=Rtq69PRIx1w

https://www.youtube.com/watch?v=NU6MqN4N0cI

https://www.youtube.com/watch?v=7QU6Y_P6x0c

https://www.youtube.com/watch?v=sCUc2kXVr9w

https://www.youtube.com/watch?v=hN09esPstfU

लेखक / कवी  - सुरेश पित्रे.

चेंदणी, ठाणे (पश्चिम) , पिन कोड क्र. - ४००६०१

II पश्चाताप II

II पश्चाताप II 

खेड्यातून आला , शहरात रमला 

अंगवळणी पडला, शहराचा थाट रे 

इथेच राहिला , रडत खडत जगला 

माणसाने भोगला, शहराचा ताप रे 

धुराने घुसमटला, धुळीने गुदमरला 

काजळीने काळा झाला, छातीचा भाता रे 

खोकल्याने हबकला, धापेने थकला 

खाली वर झाला , माणसाचा जीव रे 

उपभोग वादाला, चंगळ वादाला 

प्लास्टीक पिशवीला, सरावला तूच रे 

वायु प्रदूषणाला, ध्वनी प्रदूषणाला 

जल प्रदूषणाला , कारण तूच रे 

संयम सोडला , परिणाम भोगला 

तूच रे दाबला , गळा तुझाच रे 

प्राण कंठी आला, पश्चाताप झाला 

प्राण तुझा गेला, हाय रे हाय रे 

लेखक / कवी  - सुरेश पित्रे.

पत्ता- " वैद्य सदन ", पहिला मजला, राघोबा शंकर रोड, 

चेंदणी, ठाणे (पश्चिम) , पिन कोड क्र. - ४००६०१

भ्रमणध्वनी - ९००४२३०४०९           

Email ID - kharichavata@gmail.com

II कवीचे काव्य II

II कवीचे काव्य II

कवीचे काव्य म्हणजे विलक्षण असते ,

एखाद्या गोष्टीचे आंतरबाह्य निरीक्षण असते,

शब्दांना चढलेले एक दिव्य स्फुरण असते,

उपमा आणि अलंकारांनी नटलेले विवरण असते.II१II

कवीचे काव्य म्हणजे नुसती कविताच नसते,

न्यायाधीश बनून दाखविलेली समताच असते 

न्यायाचे पारडे इथे समानच असते ,

कवीला कोणी आपले किंवा परके नसते. II२II

कवीच्या मनात असते सचोटी ,

शब्द गुंफण्याची असते हातोटी,

म्हणूनच नाठाळाच्या माथी ,

हाणू शकतो शब्दांची काठी . II३II

लेखक / कवी  - सुरेश पित्रे.

पत्ता- " वैद्य सदन ", पहिला मजला, राघोबा शंकर रोड, 

चेंदणी, ठाणे (पश्चिम) , पिन कोड क्र. - ४००६०१

भ्रमणध्वनी - ९००४२३०४०९           

Email ID - kharichavata@gmail.com

GOVINDA KAVITA GAJAL

नमस्कार ,

दरवर्षी प्रमाणे ह्या वर्षीही गोविंदा जखमी होणे , मरणे हे प्रकार झालेच आहेत त्यावर 

आधारित गजल प्रकारातील हि कविता छापण्यासाठी देत आहे - सुरेश पित्रे 

''गोविंद'' त्याला भेटेल का? 

कायदा इथे आहे तरीही   

डीजेंचा डणडणाट आहे 

गोविंदा इथे जखमी तरीही 

उत्सव हा जोमात आहे II१II

हात पाय मोडले तरीही 

उत्सव जल्लोशात आहे 

गोविंदा तो मरतो तरीही 

होश इथे कोणाला आहे ? II२II

जीव मुलाचा जातो तरीहि 

पैशाचा लोभ संपत नाही ?

पोटचा मुलगा मरतो तरीही 

बाप विम्याचे हिशोब पाही? II३II

प्रेक्षक दुरून खेळ पाहतो  

गोविंदा वरून पडतो आहे

सामान्य हा माणूस मरतो

समाज इथे नुसताच पाहे II४II

ह्यांचा एक दिवसाचा खेळ 

दरवर्षी नित्त्य नेमेची आहे 

आयुष्यभर हा भोगतो खेळ 

गोविंदा जो जायबंदी आहे II५II

डोके फुटते तरीहि ह्यांच्या  

डोक्यात शिरत नाही का ? 

गोविंदा वर पोचला तरी 

''गोविंद'' त्याला भेटेल का? II६II

डीजेचा डणडणाट तरीही 

भजन कानात शिरले नाही  

थंड पाण्यात नाहला तरी 

खऱ्या भक्तीत भिजला नाही II७II

रंगात ह्या रंगला तरीही

रंग भक्तीचा कळला नाही 

फुलांनी हंडी सजली तरीहि 

भक्तीचा सुगंध कळला नाही II८II

डीजे तालावर नाचला तरी 

कृष्णाचा ताल कळला नाही  

दही हंडी उंच बांधली तरी

बुद्धीची उंची वाढली नाही II९II

भिंती ह्या हादरल्या तरीही 

ध्वनीक्षेपक दणाणत आहे 

कान पार किटले तरीही 

डिस्को दणक्यात चालु आहे II१०II

कायदा इथे असला तरीहि 

पाळणारे सभ्य कोण आहे ?

गोविंदाचा जीव गेला तरीही 

जोर धन दांडग्यांचा आहे II११II

लेखक / कवी  - सुरेश पित्रे.

कविता - नैसर्गिक आपदा

नमस्कार ,

माळीण गावात दरड कोसळून पूर्ण गावच गाडले गेले 

हि अत्त्यंत वाईट घटना घडली ती शब्दबद्ध करून 

लिहिलेली कविता ,

  II नैसर्गिक आपदा II

पाऊस धो धो पडला 

डोंगर तो धसला 

भसा भस कोसळला 

चिखल खाली वाहला II१II

गाढ होते सगळे  

गाव ते हो झोपले 

घास करुनी गावाचा 

भूमीने तो गिळला II२II

माळीण गांव भूमीत 

गेले कसे ते गाडले ?

फक्त नाव शिल्लक  

सारे भूमीत संपले II३II

निसर्गाचा कोप हा 

गावावर जाहला 

शेकड्यावरी मृतांचा 

आकडा तो पोचला II४II

किती रे तोडशील 

वृक्ष झाडे संपदा ?

किती रे सोसशील   

निसर्गाची आपदा II५II

संसार होता थाटला  

दैवाने हा उधळला 

जीवनाचा डाव हा 

क्षणात काही संपला II६II

महाभूताने क्षणात  

कार्यभाग साधला 

पाहुनी ते दृश्य सारे 

जमाव सुन्न जाहला II७II

दुःखाचा रंग हा    

आसमंती दाटला 

जन सागर इथे हा

मदतीस धावला  II८II

प्रगतीच्या ह्या भरात 

माणूस का विसरतो ? 

निसर्गास नित्य आपण 

किती किती शोषतो II९II

माणसाचा जीव आज 

किती क्षुद्र जाहला 

मदतीचा आकडा तो 

काही लाखात मोजला II१०II

लेखक / कवी - सुरेश पित्रे.

पत्ता- " वैद्य सदन ", पहिला मजला, राघोबा शंकर रोड, 

चेंदणी, ठाणे (पश्चिम) , पिन कोड क्र. - ४००६०१

भ्रमणध्वनी - ९००४२३०४०९           

Email ID - kharichavata@gmail.com

II विज्ञान आणि पर्यावरण रक्षण II

            II विज्ञान आणि पर्यावरण रक्षण II

                     पेट्रोल डीझेल हे संपत आले 

                    शास्त्रज्ञ पर्याय शोधु लागले 

                   विज्ञानाने अनेक शोध लावले  

                   महाजालावर खुप पहावे II१II

                     सूर्यउर्जेवर चालणारी गाडी आहे 

                    शहरासाठी तर मस्तच आहे 

                   सूर्य उर्जेवर बॅटरी चार्ज होते 

                        बॅटरीवर गाडी छान धावते II२II

जपानमधे गाडी तयार आहे चीन, जर्मनीत रस्त्यावर आहे भारत सरकार उदासीन आहे मुंबई तर गाढ झोपली आहे II३II चार चाकी किंवा तीन चाकी एक आसनी, हलकी फुलकी गाडीला पेट्रोलची गरज नाही वाहू शकते हि सामानहि  II४II इंधनाचा मस्त पर्याय आहे  पर्यावरणाला न्याय देत आहे  गाडीला डिझेलची गरज नाही  पार्किंगला जागा अर्धीच घेई II५II घुर घुर आवाज होत नाही ध्वनी प्रदूषणाचा त्रास नाही धूर अजिबात येतच नाही वायु प्रदूषणाचा प्रश्नच नाही  II६II बायोगॅस प्लांट छान चालतो  शहरातही हा वापरता येतो  ओला कचरा बारीक करावा  द्रवरूप करून ह्यात टाकावा II७II शहरात कचरा होणार नाही  दुर्गंध मुळीच येणार नाही  बायोगॅस प्लांट सोपा वापरा द्रवरूप कचरा संडासात सोडावा II८II छोट्या कुटुंबाला गॅस पुरतो  द्रवरूप कचरा खतही देतो  डम्पिंग मैदानाचा प्रश्न मिटतो  सर्वांना मोकळा श्वास मिळतो II९II सूर्य उर्जेचा एक संच मिळतो  तंत्रज्ञ येऊन बसवून देतो  किंवा आपणही शिकू शकतो  रात्री छान प्रकाश मिळतो II१०II महाजालावर सर्व उपलब्ध आहे  पर्यायी यंत्र तंत्र वाहन तयार आहे  पण समाज नुसते पाहतो आहे  प्रदूषणाचे धक्के सोसतो आहे II११II पेट्रोल वाहनांवर आणावी बंदी  विजेच्या वाहनांची करावी सक्ती  समाजाने जोरदार मागणी करावी  चार्जींग स्टेशन्स उभी करावी II१२II -- कवी - सुरेश पित्रे. पत्ता- "वैद्य सदन", पहिला मजला, राघोबा शंकर रोड, चेंदणी,ठाणे (पश्चिम) , भ्रमणध्वनी - ९००४२३०४०९ , Email ID - kharichavata@gmail.com